Ar Maner Koh

Gwechall' benn yeh da vord ar stèr

C'hwi pasee dirag ur maner

Goleet ged gwez sapin.

Pa gleveh e glohou brao' son,

C'hwi dalee moned d'an don :

Deign ! Dign ! Deign ! Dign !

Un nozveh spontuz ha tanwél,

'Peus gwelet flammou dreist an dél

'Pignein, lhuel d'an neñv,,,

A-vandennad, 'peus galipet

De daol dour ar'n doenn flammet :

An tan oa re greñv !

Ha pa 'mez un tammig amzer,

Ma'z da wel' ma maner

Diganeom dilesket.

Bab gwéh 'treuzan ar pontig koad,

An dour lanna ma daoulagad...

O ma maner karet !

'Benn sav an heol ba'r mintin sklêr,

C'hwi 'wél un dén 'tal ar maner

'Poumen àr bord ar lenn.

Didan an heol, didan ar glao,

'Troein ha distroein, aze 'ma 'tao,

'Sell' fotolou ha 'lenn.

Liez mad, e-pad an noz du,

'Kerzal e mesk poucher ludu,

Me 'goll ar wenojenn...

Fud diwezad war o heñchou,

Pa welant ba ma dorn goulou,

Galipant gand aon.

Kaved aon, 'taly ket ar boan :

Jamez ober droug bed d'eun ' dein',

Sellein 'tre ar muriou faoutet,

Ma hein harpet ouh gwez rostet,

'Ven 'selaou ar gaouenn.